ودى تالته حلقه من يوميات مشرف فى منتدى

الحلقه الرابعه

MaNa : أنا كنت عايز أناقش معاكم فكرة كده

اMoHa : خير اللهم اجعله خير

MaNa: هى قواعد الكتابة فى المنتدى حاليا كام صفحة

دموع القمر : 25 صفحة تحتوى على 3000 بند

MaNa : أنا عايزكم تخلوها 100 صفحة تحتوى على ما لا يقل عن 50000 بند ...لو عرفتم تخلوها أكتر من كده يبقى أحسن

KaRiM : مش كتير كده يا عم ... ده اللى مسجل جديد على ما يقراها تكون سنانه وقعت

RoMuOoOo : ما هوه ده المطلوب ياعم ... مش عايزين حد يقراها ... وصلت الفكرة يازغللة

MoHa : فكرة بمليون جنيه ... الكبير كبير صحيح

NoDy : ما تفهمونا إيه العبارة ياخوانا

سمسم : يعنى اللى هيسجل جديد لازم يوقع إنه قرا قواعد الكتابة فى المنتدى ووافق عليها ... تمام

NoDy : تمام

سمسم : طبعا لما يلاقى 100 صفحة تحتوى على خمسين ألف بند هيروح موقع من غير ما يقرا حاجة...تمام

NoDy :لأ مش تمام .... مش فاهمه حاجه

سمسم : هو انتى ديما كده يا تاليا خلاص سلميلى بقى عالمترو....أى حد يكتب حاجة ما تعجبناش نروح لازقينه إنذار ونقول له إجرى يلا روح إقرا قواعد المنتدى قبل ما تكتب داهية فيك وفى أيامك السوده

KaRiM : طب إفرض عضو غتيت ورخم قرا القواعد كلها قبل ما يوقع

MoHa : من لم يمت بالسيف مات بغيره .... مين يعادينا ... هيه هيه

RoMuOoOo بيقول لأKaRiM : نبه على جميع المشرفين إن فى إجتماع هام الساعة 3 فى قسم المشرفين ....الإجتماع مغلق وسرى للغاية

KaRiM : بخصوص إيه

RoMuOoOo : أنا عن نفسى معرفش يظهر إنه توب سيكرت .. ميزو حويط اوى ....مش عايز حد من الأعضاء يشم خبرعن الإجتماع

KaRiM : رقبتى ياريس

فى منتدى المشرفين الساعه 3 بدأ اجتماع مغلق وسرى للغاية بحضور جميع المشرفين

MaNa : طبعا مستغربين أنا جمعتكم ليه النهارده ... الموضوع باختصار إن فيه معلومات وصلت للقيادة السياسية إن المنتدى فيه عدد كبير من الأعضاء بيكتبوا ضد الحكومة وضد الريس نفسه وتوريث الحكم...وصلتنى معلومات مؤكدة إن مبارك قرر يقوم بزيارة للمنتدى والتجول فيه بنفسه لمعرفة مدى صحة المعلومات دى...لازم نلم نفسنا بسرعة ونستعد للزيارة اللى غالبا حتكون الأسبوع اللى جاى

RoMuOoO : إحنا جاهزين يابوص ... لازم نبتدى نلم كل المواضيع اللى بتتكلم عن الريس ونحذفها

دموع القمر : تمام ونخلى المواضيع اللى بتقول كلام كويس عنه

شيمــاء: مفيش مواضيع كويسة عنه غير الموضوع بتاع جرجاوى (نعم وألف نعم يامبارك)

MaNa : مين جرجاوى ده

شيماء : ده بيبيع جرجير....قصدى عضو جديد وله ولاء شديد لمبارك

MaNa : عظيم كلموه يكتب كام موضوع زى ده ووفروله كل الإمكانيات اللى هيحتاجها

دموع القمر : إمكانيات زى إيه يعنى

MaNa : مساطر برايات اساتيك اقلام....كل حاجه

اMoHa : عايزين نستعد للموضوع ده بكل جدية ياجماعة....زيارة الريس MoGaCaf شئ مش بسيط خصوصا فى الظروف الدولية الحالية....متنسوش إن مصر دلوقتى بلد نووية يعنى الأنظار عليها والسد العالى لو إنضرب الميه كلها هتروح على توشكى والناس هتستخبى فى مترو الأنفاق

MaNa : مالك يا اسباى إنت عيان

شيمـاء : لازم ياجماعة نحضر قصيدة نلقيها عند وصول السيد الرئيس

دموع القمر : فكرة هايلة....فى مين شعراء عندنا

KaRiM : سعودى المصرى....ياسلام...أعجوبة....ده لو قلت له صباح الخير يروح هفك قصيدة ستين بيت وما يخلصكش من إيده غير إنك تقول أنا جدع

يمانى : أظن عيب أوى يا سباى أبقى قاعد جنبك وتدور على شاعر يكتب القصيدة.....أنا ليا حق عرب عندك....وحياة طنط تاليا مهنسهالك

اKaRiM : بس إنت يا يمانى يعنى ولا مؤاخذة ما بتحبش الكاكى...واللى جاى ده كاكى واللى جابه كاكى واللى جاب اللى جابه كاكى

يمانى : معلش ياعم الضرورات تبيح المحظورات....قل لى إيه رأيك فى الحتة دى

يابلدنا يامهلبية

ياحلوة يامستوية

ومبارك خلاكى آية

حسنك مالوش نهاية

MaNa : معلش يا يمانى...اتفضل إنت روح إستريح شوية...فى مين تانى شعراء عندنا

RoMuOoO: فيه إسماعيل يس فى الأسطول... قصدى سين ...دى شاعره جامده جدا...أنا مبفهمش هى بيقول إيه بس هايله

NoDy : أنا موافقه على سين لإلقاء قصيدة الترحيب بالريس....ندخل على النقطة اللى بعدها فى جدول الأعمال.....تنظيم موكب الريس

أKaRiM : أنا رأيى إن موكب الريس يدخل من باب السياسة الداخلية وموكب شوزان قصدى سوزان وجمال من باب الأسرة والطفل وأحمد نظيف من باب المطبخ

دموع القمر : مش هنرش المنتدى يابوص

MaNa : إيه المناسبة

دموع القمر : مش جايز الريس يكون فى جيوبه جراد وأول مايدخل ينطرهم علينا

MaNa : إنتى مين يابنتى ...إنتى بقالك كتير معانا هنا

سمسم : فعلا الإحتياط واجب...أول ماييجى ندلق عليه جردل فنيك

MaNa بيتكلم معRoMuOoOo : أول ما الزيارة دى تتم على خير الطقم ده كله لازم يتغير

RoMuOoOo : هنجيب مين بس يابوص

MaNa : أى حد إن شالله المخبول اسلام

NoDy : بمناسبة اسلام ... ده هنسيبه كده والريس جاى ؟؟؟....أنا رأيى إننا نطرده مؤقتا لحد ما الزيارة تخلص وبعدين نرده بدل ما يعملنا قلق

ميزو : ونرده ليه....مشيه خالص

سمسم : مالوش لزوم نعمل طرد أو ندى إنذارات اليومين دول.... بالنسبة لاسلام هوه كان كاتب قصة مؤرفة أنا حذفتها...رجعوهاله خلوه يتلهى فيها لحد ما الزيارة تنتهى وبعدها إرموه هو وقصته فى الشارع

مش عايز حد يزعـــل

واستنوا بقا تجهيزات زياره الرئيس فى الحلقه القادمه يارب تعجبكم يارب