لنعومه وجهك ولونه الوردى

عندى ليكوا وصفه جميلة وبسيطه عرفتها من خبيرة تجميل بالتليفزيون تخلى الوجه ناعم ولونه وردى وجميل بس مع المواظبه على الإستخدام على قد ما تقدروا

هى عبارة عن خليط من
زيت اللوز الحلو + زيت القرفة + منقوع كركديه

طبعا انتوا عارفين فوايد زيت اللوز الحلو فى التنعيم الجميل للبشرة وكمان الكركديه طبعا هو اللى هيدينا اللون الوردى الجميل.

ماقالتشى طبعا المقادير بالتفصيل لكن دى حاجة متروكة لينا احنا ، نبقى نظبط المقادير يعنى

مثلا معلقة كبيرة من كل حاجة ونخلطهم ونضعهم فى زجاجة صغيرة وتكون فى متناول ايدينا

(ده علشان الناس الكسلانه اللى زى حالاتى)، وكل يوم قبل ما ننام ندهن بيها

بشرتنا ...........ويا مسهل ان شاء الله تعطى نتيجة