اهلا بكل اعضاء موجة كافيه
انهاردة ضيفنا كافيه جديد لكافيهات المنتدى
الكافيه دة من اقتراح دموع القمر
طبعا عارفين قد اية الواحد بيعانى و هو بيختار المكان اللى هيروح فيه فى المناسبات زى العيد مثلا
الكافيه دة هيساعدكوا تختاروا المكان اللى هتروحوه
يعنى كل عضو راح مكان و عجبه يصور للمكان دة شوية صور و يجى يتكلم عن المكان دة
و هو كمان لو جيه العيد هيلاقى ناس كتيييييييير حاطة اماكن جديدة جميلة ممكن يتختار من بينها
و انا و رندا هنكون ان شاء الله اول ناس
احنا روحنا حديقة الازهر
يبقى هنكتب فى الكافيه دة موضوع و نحط صور لحديقة الازهر من على النت و كمان نتكلم عن المكان شوية و نديكوا شوية ملاحظات كمان
و نعرفكوا عنوان الحديقة و كمان طريقة المرواح ليها و ثمن تذكرة الدخول و هكذا
و ياريت اللى يكتب موضوع يحط اسم المكان دة فى اسم الموضوع
يعنى مثلا
" حديقة الازهر "
" جنينة الحيوانات "
" جاد " :بالمناسبة غالى و كلت من هناك بيتزا يوم العيد بطنى وجعتنى انا و رندا طول ما احنا فى حديقة الازهر
المهم
هتلاقوا هنا كل المعلومات الازمة
طبعا اسعار التذاكر بتتغير على طول
و اسيبكوا بقى تستمتعوا بالبحث فى المواضيع
