كلنا اتفرجنا على ثلاثيه نجيب محفوظ
دى بقى طبعه جديده من الثلاثيه وحلقه جديده من حلقات
اســــــــــاطيرالحب اخر صياعـــــــــــــــــــه
سى السيد:
مساء الخير يا امينة من فضلك تحضريلى الاكل عشان جاى تعبان من الشغل .
امينة:
اولا: اسمى ست امينة , مش امينة كده حاف.
ثانيا: مفيش اكل لانى اتغديت فى النادى انا والعيال
وانا لما بكون شبعانه مابعرفش اطبخ
ثالثا: ياروح الروح كنت تخلى اللى انت جاى من
عندها وش الفجر تعملك السم ولا انت
فاكرنى خدامة يورفازر
سى السيد:
خلاص يا ست امينة انا اسف اخر مرة اطلب اكل.
تب ممكن تندهيلى العيال اسلم عليهم عشان وحشونى.
امينة:
عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك
على اللى رايح
واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات
تانيه ياسوسو..
سى السيد(والدمعة هتفر من عينه) :
لا يا قويه يا مفتريه والله لابعتك عند امك .هيه بس
امينة:
يامامى انا خايفة اوى,خش نام ياللا وبلاش كلام فاضى ,
انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاهم
فى اليوم التالى:
سى السيد ينتظر فى الشباك امينة لما ترجع من مسرحيه (كشكش بيه)
ويسمع صوتها اتية من بعيد فيهرول حاملا لمبة الجاز لكى يضئ لها الطريق.
امينة:
ايه اللى مسهرك يا سوسو انا مش قلتلك تنام انت عشان انا هتاخر.
سى السيد:
معلش يا ست امينة انا قلت برضه يمكن تحتاجى حاجة كده ولا كده
امينة:
طيب .. طيب مش عايزة ابوظ الليلة بئى متوجعش دماغى ياسوسو
وانا الصبح حكيلك المسرحيه كلها...اوك
سى السيد:
ربنا يخليكى ويحميكى ومايحرمنيش من دخلتك عليا
الساعة واحدة بعد نص الليل يامراتى يا حبيبتى يا جميله.
امينة تضحك ثم تدخل لتنام وتصفق الباب فى وجهه
فى اليوم اللى بعد التالى:
امينة فى فترة المساء والسهرة مخاطبة سى السيد:
اعمل حسابك ياسى سى,ان فى عريس جاى لعائشه بكره
سى السيد:
مين ياترى..لو كان يعنى من حقى اسال
امينة:
الواد الظابط ده اللى كانت بتعاكسه من الشباك مش فاكره يا ست أمينه .
سى السيد:
الواحد حيفتكر ايه ولا ايه يا ست امينة على العموم لو انت شايفاه كويس خلاص
الشورة شورتك.
امينة:
خلاص نتكل على الله ونخلى الفرح فى نفس يوم فرح خديجة
سى السيد:
ايه ده!هى خديجة بنتى هتتجوز مبروك الف مبروك
امينه:
عقبال ولادك يا ساسو!!!!!!!!!!!!!
يوم الفرح:
امينة تستقبل الراقصات وترحب بهن وياتى سى السيد ليمارس هوايته المحببه, ان
يحاول ان يكون رجلا:
-ايه ده ازاى مش ممكن راقصات فى بيتى.
امينة تتجاهله تماما وتقود الراقصات الى غرف تبديل الملابس ثم تعود متجهمة الى
سى السيد قائلة:
اعمل حسابك انك بعد الفرح حتروح لامك لغايه ما ابعتلك العيال ياخدوك..مفهوم
علشان تبئى تقول بيتى دى تانى..رجالة اخر زمن..
وبعد الفرح تم ترحيل سى السيد الى منزل والدته ومازال ينتظر ان تبعث له امينه
بالاولاد كى يعيدوه الى بيته..
اه لا مؤاخذه ...بيتها
