moha
عضوة مميزة
 العمر : 34
المزاج : جامد
الوطن : مصر
عدد الرسائل : 157
تاريخ التسجيل : 21/03/2009
 | | موضوع: اول حلقة من شباب روش طحن " لو مردتوش مش هأكتب الباقى " 28/8/2009, 10:43 pm | |
| جايبلكم قصه تعتبر روشه وجميله ويارب تكون خفيفه عليكم و تعجبكم وهي إن شاء الله هتكون عباره عن حلقات يوميه أو حسب ردودكم بقى دة البوستر اللى عملته المدير الجميلة بتاعتنا للحلقات و هأحطه قبل ما ابدأ كل حلقة  و معلش انى باكتبها ملونة كدة عارف انها هتعميكوا بس انا ناقلها من بنت و انتوا عارفيين البنات طبعا "فاضيين" على العموم ظللوا الكلام و هو هيبان و متنسوش الردود لحسن و اللهى مش هأكمل بقية الحلقات  مطولش عليكم ونبدأ مع أول حلقه { الحلقهــ الأولـــى }يدخل أبو طارق إلى حجرة ولده طارق علشان يصحيه يروح الجامعة ويخبط على ظهرهه بالراحه كده أب بقي انتو فاهمين.الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغرابطارق : إيه يا بابا فيه إيه ؟الوالد :قوم يا حبيبى عشان تلحق تروح كليتك ؟طارق : يا بابا كلية إيه اللى بتصحينى عشانها وش الفجرالوالد : وش الفجر إيه بس .. يا بنى الساعة داخلة على عشرة .. قوم يا حبيبى عشان تلحق محاضراتكطارق : يابابا نفضالوالد : أعمل إيهطارق : يعنى كبر يا باباالوالد : الله اكبرطارق : لا يا بابا مش قصدى ... أن بقولك كبر دماغك يعنىالولد : يا ابنى قوم متتعبنيش .... مش انت عندك محاضرات مهمة النهاردة ؟طارق : يا بابا مهمة إيه بس ... ده كله فى الكلتشةالوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردةطارق : يا بابا ... فكك من كلام الستينات ده.... أنا مش قادر أفك رموز وشىالوالد : يا بنى قوم أخوك بيقول ان المحاضرات النهاردة عندك مهمةطارق : يابابا سيبك منه ... دا واد بيهيسالوالد : يعنى إيه .... يعني كلامه صح ولا غلط ؟طارق : يا بابا .. ابنك ده دماغه مخرومة .. عمالة تنقط .. متسمعلوش و لما يكلمك سد ودانك لحسن ياكلها .. و الودان اليومين دول غالية يابابا .. ملهاش قطع غيارالوالد : يا بنى انت بتتكلم كده ليه ؟طارق : يعنى بكلمك بالسيم يعنى .. بص يا بابا عشان خاطر ربنا .. سيبنى أنام كمان خمس ست ساعات عشان أقوم فايق .. أنا كنت سهران طول الليل ... سيبنى أأنتخ شويةالوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوكطارق : و الله يابابا أنا مأفور خالص و مش قادر ... سيبنىالوالد : يا بنى كلمنى زى ما بكلمك ... إيه اللى انت بتقوله دهطارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .الوالد : مصلحتك ؟ يا بنى انت بقالك ثلاث سنين فى سنة ثانيةطارق : ظلم يا بابا ، الدكاترة بتاعة الكلية حاطينى فى دماغهم لحد ما عفنتالوالد : (وقد بدأ يتغاظ ) طيب قوم يا معفن ... خد لك دوش و افطر و روح الكليةطارق : بابا.. اقفل النور و خد الباب وراك .... و أما أقوم نبقى نشوف موضوع الدش دهالوالد ( بصوت مرتفع ) : أنت حتقوم و لا حقومك بالجزمة طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبحيخرج الأب و يدخل أخوه وائل فينظر إليه شذراًطارق : لازم تديها جاز على الصبح .... شعللتها ؟ ... ماشىوائل : هو اللى بيسألنىطارق : قوله معرفش ... قوله معندوش زفت محاضراتوائل : أكذب يعنى ؟طارق : (يضحك بسخرية ) لأ إنت متعرفش تكدب تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟وائل : ( و قد اصفر وجهه ) لا يا طارق اوعى ..طارق : طيب يا حلو ... روح هاتلى سجارة من علبة أبوك أعمل بيها دماغ الصباحيةوائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .طارق : طيب يا إتم .... اختفى من قدامى دلوقتيخرج وائل ، و يبدأ طارق فى تدخين إحدى السجائر و هو بعد ما زال على السريرثم ينظر بجواره على الكمودينو و يتناول التليفون و يتصل بأحد زملائهطارق : ألو .. أيوه يا هيما .. انت لسة مِكَّحول .. ما تقوم ياواد خليك نشيطهيما : يا بنى حد يتصل بحد دلوقت مفيش زوق .... الساعة لسة عشرة و نصطارق : فوق بقى ... إيه النظام ؟ الحياة أخبارها إيه النهاردة ؟هيما : زى امبارح نروح المول .. و ندخل الكافى شوب .. نطلب شيشة .. نشرب لنا كام ستون .. نعلق حتتين طراى أو نلف نعاكس فى المزز طارق : طيب نتقابل الساعة واحدة .... متحلقليشهيما : حتعمل إيه دلوقتطارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب .. و لو فضلت موجود حيعملى فيها بروسلى و يضربنى .هيما : الحمد لله يا عم... أنا أبويا ميت طارق : يا بختك ... استكانيس براحتك ..... طول عمرك محظوظ .... شاويغلق الخط ... و يدخل أخوه وائلوائل : اوعى يا طارق تقول لابوك .. لحسن يرحلنىطارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح علىوائل : ( باستجداء ) اوعى يا طارقطارق : طيب روح هاتلى الجل بتاعك ... عشان الجل بتاعى بياكل فى دماغى زى مية الناروائل : احنا حنبدأ استغلال .. و بعدين انت اللى مابتغسلش دماغك لحد ما باظتطارق : خلص يا عم الأمور ... روح هاتلى الجل .... إنجزوائل : يا طارق ما انت عندك إزازة لسة مفتحتهاشطارق : ياد روح هاتها متبقاش إيحة ... و بعدين انت لابس فانلة فى البرد ده .. عاملى فيها هركليزوائل : ( يصرخ و هو يجرى خارج الحجرة ) يا نهار اسود ... دا المكوة على القميص يأخذ طارق نفساً من السيجارة و قبل أن يخرجه من صدره يدخل والدهالوالد : إنت لسة نايم ؟ طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )الوالد : يعنى مش عايز تجيبها البر آدى آخرة دلع أمك . هى اللى فسدتك لو مخرجتش من البيت و رحت كليتك حالاً حكسر دماغك دى إنت فاهم ؟ طارق : ينظر إلى والده و قد احمرت عيناه و انتفخ وجههالوالد : انت بتبص كده ليه يا واد انت .. جتك البلا فى منظرك .. و يخرج الوالدطارق : يخرج نفسه الذى كتمه حتى كاد أن يموت ، و يسعل بشدهيدخل وائل أخوه فيجده على هذه الحالوائل : إيه مالك ؟ حتفطس ولا إيهطارق : روح هاتلى كباية مية أبوك كان حيموتنى .. كنت حسافريخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره .خخخخخخخخخخخخخخخخخخخخخو إلى اللقاء في الحلقه القادمه إن شاء الله
عدل سابقا من قبل moha في 29/8/2009, 8:02 pm عدل 1 مرات | |
|
دمـوع القمـر
عضوة ذهبية
 العمر : 29
المزاج : قشطه
الوطن : من ارض الله الواسعه
عدد الرسائل : 2924
تاريخ التسجيل : 19/05/2009
| | موضوع: رد: اول حلقة من شباب روش طحن " لو مردتوش مش هأكتب الباقى " 29/8/2009, 12:26 pm | |
| جامد موووت يا موها تسلم يا قمر
بجد يعنى صباح التهييس
ومستنين باقى الحلقات وكل رمضان وانت طيب | |
|
امير العشق
عضوة فعالة
العمر : 34
المزاج : قشطه
الوطن : قصر الشوق
عدد الرسائل : 73
تاريخ التسجيل : 21/06/2009
| | موضوع: رد: اول حلقة من شباب روش طحن " لو مردتوش مش هأكتب الباقى " 29/8/2009, 10:12 pm | |
| جااااااااااااااااااامده اخر حاجه
تسلم ياموها يا جااااااااااااااااااااااااااااااااااااااااااااااااااااااااااااااااااااااااااااااااااااااااااااااامد | |
|
شخابيط بنوتة
مديرهــ
العمر : 24
المزاج : ممتاز جدا (*_*)
الوطن : مصر الحبيبة
عدد الرسائل : 1149
تاريخ التسجيل : 11/09/2008
| | موضوع: رد: اول حلقة من شباب روش طحن " لو مردتوش مش هأكتب الباقى " 29/8/2009, 10:45 pm | |
| الله على الموضوع الجامد دة
انا بأحب اليوميات اللى زى كدة اوى
ان شاء الله هاتابعك للأخر
بس انت نزل بقية الحلقات بسرعة بقى | |
|
همسة عشق
عضوة فضية
العمر : 29
المزاج : عادى
الوطن : مصر
عدد الرسائل : 802
تاريخ التسجيل : 18/09/2008
| | موضوع: رد: اول حلقة من شباب روش طحن " لو مردتوش مش هأكتب الباقى " 29/8/2009, 11:24 pm | |
|  بجد الموضوع جامد جدا ياريت بقى تكملة وانشاء الله هاكمل معاك للاخر | |
|
k@rim
عضوة مميزة
العمر : 36
المزاج : روش طحن
الوطن : مصر ام الدنيا
عدد الرسائل : 120
تاريخ التسجيل : 21/03/2009
| | موضوع: رد: اول حلقة من شباب روش طحن " لو مردتوش مش هأكتب الباقى " 30/8/2009, 12:51 pm | |
| جميل اوى يا موها زى عاويدك على طول بتجيب حاجات تفطس من الضحك على العموم شكرا يا جميل  | |
|
