ســـــــــايقة من أعمال : محمد عبد الهادى فكرى
على فكره الشعر ده من سنه1926 وماصدقتش ان المشكله دى موجوده من وقتها
حاجه تفلق شىء يجنن يا حفيظ ** صدر باين ظهر باين فى الطريق
والقميص حمالته باينه شىء يغيظ ** لحم عارى بس مين يقدر يطيق
يا
هوانم إيه ده كله دا اللى باين ** لو عاكسنا او شتمنا معذورين
مين يشوف الخفه دى وميكونش خاين ** مين يشوف الخفه دى ويكون رزين
مين يشوف الخفه دى ويقعد مبلم ** مين يشوف الخفه دى ويكون حزين
م العيون قلبى انجرح يا رب سلم ** م العيون أروح يا عالم بس فين
لعيون تفتن ومنها السهم يجرح ** والجفون بالسحر تتحدى القلوب
عالخدود الناعمه تلقى الورد فتح ** والشفايف منها قلبى رح يدوب
مش كفايه الجسم مبلى من عيونكم ** مش كفايه ان الفؤاد أصبح ف نار
مش كفايه السحر اللى ف جفونكم ** مش كفايه ان (فكرى ) منكو بيستجار
لسه حنشوف النهود والصدر عارى ** شىء يجنن شىء يضيع منه الثبات
يا هوانم يكفى غلبى ليه مرارى ** أنتو ناويين تقتلونا بالموضات
فين زمان لبس الملايه والبراقع ** واللى كان الظفر منها لم يبان
ليه صبحنا فى زمان غابر وساقع ** فين زمان الست لم كانت لم تبان
ليه صبحنا فى زمن عره وبلاوى ** ابكى يا عينى ( الضفاير ) و ( الشعور )
فى الزمن ده السيده تشبه لحاوى ** والخلايق كلها غاويه الظهور
عينى شافت فى الاتومبيل واحده سايقه ** زمرتلى لخبطتنى قلت دوسى
ابتسمت لى هف طارت هى رايقه ** وليه انا من حبها حخلع دروسى
عقلى شاتت اعذرونى يا جماعه ** الا أدعى بحرقه تسحركوا العيون
بدى اقول العصر ده عصر الخلاعه ** والجنون ياناس رح يصبح فن
